Dükan we söwda üçin programmalar

Çözgüt POS dükanyň satuwyny we karzyny, Ynamly Gadam bölüp tölemek bilen söwdany hasaplaýar. Programmalarymyz türkmen dilinde we ofisiň öz serwerinde işleýär, internet hökman däl.

Taslamalary görmek Habarlaşmak
Çözgüt POS · Söwda

Taslamalar

Häzire çenli eden we häzir üstünde işleýän işlerimiz. Taslamanyň adyna basyp, jikme-jik maglumata geçiň.

Çözgüt POS

Dükanlar üçin satuw ulgamy: kassa, karz depderi, müşderi getirýän ussalaryň paýy we admin paneli bir programmada.

Görnüşi
Windows programmasy: kassa we admin panel
Tehnologiýa
Java, MariaDB
Kassalar
bir serwerde 50-ä çenli
Wersiýa
77.8
Çözgüt POS · Söwda
Satuw penjiresi: sebet, töleg we F3 bilen partnýor saýlamak.

Esasy mümkinçilikler

  • Çalt satuwŞtrih-kod skaneri we haryt adyna görä şobada gözleg; nagt, kart we karz tölegi. Esasy işler F-düwmeler bilen klawiaturadan edilýär.
  • Karz depderiHer müşderiniň bergisi we tölegleri bir ýerde. Karzyny tölemeýän müşderini admin bloklaýar, oňa satuw geçmeýär.
  • Partnýor paýyMüşderi getirýän ussanyň, ofisiantyň ýa-da gurnaýjynyň paýy satuwda özi hasaplanýar. Paý we onuň karz bergisi bir hasapda görünýär.
  • 50 kassa, bir serwerÄhli kassalar ofisiň bir serwerine birikýär. Tor kesilse satuw ikilenmeýär, sene we wagt serwerden alynýar.
  • Gaýtarym, bufer we çekHarydy yzyna almak (partnýor paýy hem yzyna gaýdýar), satuwy buferde saklap goýmak, çek çap etmek.
  • Lisenziýa goragyŞifrlenen we gol çekilen lisenziýa faýly diňe berlen kompýuterde işleýär; möhleti we kassa sany içinde ýazylýar.
Admin panel: karzçylar, partnýor paýy, netije we sag düwme menýusy.

Ynamly Gadam

Bölüp tölemek bilen söwda üçin hasap programmasy: şertnamalar, tölegler, jerimeler, ýatyryjylaryň puly we kassa bir ýerde, her teňňesi goşa ýazgy bilen.

Görnüşi
Windows programmasy we telefon bölümi
Tehnologiýa
Java, PHP, MariaDB
Diller
türkmen, türk, rus, iňlis, hytaý
Rollar
7: admin, hasapçy, kassir, ýygnaýjy we başgalar
Ynamly Gadam · Täze şertnama
Täze şertnama: töleg tertibi, aýlyk töleg we peýda şol bada hasaplanýar.

Esasy mümkinçilikler

  • Şertnama birnäçe minutdaMüşderi, harytlar, möhlet we göterim girizilýär; töleg tertibi we peýda şol bada görünýär. Kepil geçijiler hem goşulýar.
  • Tölegler we resminamalarTöleg ilki gijikdirilen aýlyklara, soň jerimä, soň indiki aýlyga düşýär. Kwitansiýa, şertnama we töleg grafigi Word faýly bolup çap edilýär.
  • Jerime we bloklamakGijikme jerimesi her gün özi hasaplanýar. 30 günden köp gijikdirilen müşderi özi bloklanýar we oňa täze söwda berilmeýär.
  • Gijikdirilenler we ýygnaýjylarGijikdirilen şertnamalar günlere görä toparlanýar we ýygnaýjylara paýlanýar; jaň, baryş we töleg wadasy ýazylýar.
  • Ýatyryjylar we gaznaSöwda pul goýanlaryň kapitaly, boş puly we peýda paýy hasaplanýar; pul çykarmak haýyşy telefondan iberilýär.
  • Her teňňe goşa ýazgydaOfis kassasy, bank hasaby we ýygnaýjylaryň elindäki pul aýratyn görünýär. Hasap barlagy hasaplaryň deňleşýändigini görkezýär.
  • Telefon bölümiÝygnaýjy, ýatyryjy we müşderi telefonyň brauzerinden girýär. Internet ýok ýerde hem töleg ýazylýar we soň özi iberilýär.
  • CozgutAi kömekçi we SMS«Şu gün kimler tölemeli?» ýaly soraglara internetsiz jogap berýär. Müşderä töleg güni we töleg kabul edilende SMS gidýär.
Ynamly Gadam · CozgutAi
CozgutAi kömekçi: maglumat we gollanma jogaplary.
Ynamly Gadam · Giriş
Giriş: rol, ulanyjy we parol; bäş dilde.
Telefonda töleg we kwitansiýa.

Beýleki taslamalar

Häzir işlenilýän we meýilnama tapgyrynda duran işlerimiz.

Gadam Market

Tehniki meýilnama taýýar

Türkmenistan üçin onlaýn marketpleýs. Dükan eýesi öz dükanyny birnäçe minutda açýar, alyjy ähli dükanlary bir ýerde görýär we harydy nagt ýa-da Ynamly Gadam arkaly möhletleýin alýar. Android, iOS we web.

Penjire we gapy programmasy

Işlenilýär

Penjire we gapy taslamasy üçin programma: ölçegleri girizip, harydyň bahasyny hasaplaýar.

Kamera gözegçilik ulgamy

Taslama tapgyrynda

NVR enjamynyň ýerine adaty kompýuteri ulanýan gözegçilik ulgamy. Kameralary öz mobil programmamyz arkaly islendik ýerden onlaýn görmek bolýar.

SmartBiz AI

Iş meýilnamasy taýýar

Kiçi we orta kärhanalar üçin emeli aňa esaslanan awtomatik gözegçilik we buhgalteriýa ulgamy.

Biz barada

Çözgüt dükanlar we söwda kärhanalary üçin programmalar döredýär. Programmalarymyz türkmen dilinde, ofisiň öz serwerinde işleýär we Türkmenistanyň iş şertlerine laýyklykda düzülen. Olary özümiz ýazýarys, gurnaýarys we synagdan geçirýäris.

Habarlaşmak

Programmalarymyz, hyzmatdaşlyk ýa-da gurnamak barada soraglaryňyz bolsa, bize ýazyň ýa-da jaň ediň.

Habarlaşmak üçin maglumatlar ýakyn wagtda goşular.